Markmiðamyndin!

Jæja gott fólk!

Var búin að lofa að drífa bloggið í gang fyrir löngu - - - - en svona er það þegar óvæntir hlutir gerast!

Nú er að taka til við þar sem eitt sinn frá var horfið, að ítreka mikilvægi markmiðamyndanna!
Hvenær gerðir þú þér markmiðamynd síðast?
Þú hefur kannski aldrei gert þess háttar?

Markmiðamynd er þannig gerð að þú klippir texta og myndir út úr tímaritum og festir á blað!

"Leikskólaföndur?"  Aldeilis ekki. Þetta er ein öflugasta tækni sem þú getur nýtt þér við að ná markmiðum þínum.

Á sl. ári hef ég tjáð mig um þetta í nokkrum blaðaviðtölum og sagt frá þessu í greinum og á námskeiðum mínum. Stundum, á lengri námskeiðum, hefur meira að segja unnist tími til að láta þátttakendur vinna svona myndir á sjálfu námskeiðinu. Já, fullorðið fólk - og strákar, karlmennirnir gera þetta líka!

Hérna á blogginu mínu, í eldra bloggi ættir þú að geta fundið nánari lýsingu á tilgangi, framkvæmd og notkun. Það er nefnilega ekki nóg að klippa og líma út í loftið, þú verður að vita hvers vegna - og hvernig.  Það er líka nauðsynlegt að vinna svo með myndina á ákveðin hátt.

Þegar við fléttum svo Feng Shui frá Marie Diamong inn í þetta líka þá skiptir líka máli á hvaða vegg þú hengir myndina þína!

Þú sem veist hvað ég á við, ég hvet þig til að skoða "gömlu" markmiðamyndina þína og spá í hvort þú ættir nú ekki að gera nýja.

Fyrir þig sem ert forvitin/-n ...... þá er að gá hvort þú finnir eldra bloggið mitt um þetta mál.

Góða skemmtun ................. er annars að fínpússa handritið mitt að Blómstraðu! Njóttu þess að vera þú! sem kemur út fyrir jólin!

Vildi annars geta verið fluga á vegg á Akureyri núna í kvöld .... þar sem þátttakendur af Feng Shui námskeiðinu mínu þar um daginn ætluðu að hittast og bera saman bækur sínar,

Bestu kveðjur til allra sem langar að lesa bloggið mitt, vonandi getur það gagnast ykkur til stærri sigra

Jóna Björg

 

 

Athugasemdir

[Guðrún Vala Elísdóttir, 15.11.2007 kl. 11:13]

Gangi þér vel með bókina.  Sendu mér áritað eintak í pósti og gíróseðil.  Stefni á markmiðamynd fljótlega.....